تصمیم جدید طالبان: همه کارمندان باید ریش داشته باشند!

به گزارش عرشه آنلاین به نقل از اصلاحات نیوز، طالبان به تمام کارمندان ادارات دولتی دستور داده که ریش بگذارند و کلاه بپوشند. برخی از شاهدان گفته‌اند که طالبان شماری از کارمندان دولتی را به دلیل نداشتن کلاه و کوتاه بودن ریش اجازه ورود به ادارات دولتی نداده.

با گذشت هر روز محدودیت‌های طالبان بر مردم در افغانستان بیشتر می‌شود. این محدودیت‌ها بیشتر از سوی وزارت امر به معروف و نهی از منکر طالبان عملی می‌گردد.

منابع در کابل گفته اند که مسئولین امر به معروف طالبان روز دوشنبه کارمندانی را که ریش شان را تراشیده بودند، پیرهن و تنبان به تن نداشتند و یا کلاه و لنگی نپوشیده بودند، نگذاشتند وارد ادارات دولتی شوند.

یک تن از کارمندان ادارات دولتی که نخواست نامش گرفته شود، به دویچه وله گفت که طالبان امروز دوشنبه شماری از کارمندان اداره امور و وزارت امور خارجه را به دلیل نداشتن کلاه، لنگی و ریش کوتاه اجازه ورود به دفاتر شان ندادند.